Heimsborgarinn ég – Your score is 7 out of 11 Impr…

Heimsborgarinn ég – Your score is 7 out of 11 Impressive, you’re ready to travel. Athugaðu hvernig þér gengur í þessu skemmtilega prófi 🙂

Smá sumarstemning á svölunum:) Ég lét loksins…


Smá sumarstemning á svölunum:) Ég lét loksins verða af því að kaupa húsgögn á svalirnar, af því að góða veðrið er komið til að vera, ég tek ekki annað í mál:) Þannig að við skvísurnar borðuðum kvöldmatinn úti og höfðum það notalegt. Annars byrjaði vikan á því að Inga Sigga og Berglind birtust hér á mánudagsmorguninn og rændu mér..hehe..tóku létta gæsun á mig. Inga Sigga sendi mér sms kvöldið áður og spurði hvort að það væri ekki í lagi að hún og Ingvar Bragi kíktu í heimsókn á mánudeginum, sagði að þau væru eitthvað að fara að stússast í bænum. Mér fannst það að sjálfsögðu fínt og fannst ekkert undarlegt við það. En allavega svo birtist Inga, en enginn Ingvar Bragi heldur var Berglind með henni og þær búnar að föndra þessa fínu kórónu handa mér, greinilega enginn skortur á listrænum hæfileikum þar:) Og enginn skortur á bjór heldur:) Og þetta var allt þaulskipulagt í samráði við Sæba þannig að Erla kom svo fljótlega og tók Heklu með sér. Reyndar kom upp smá krísa áður en við fórum af stað af því að ég fékk virkilega leiðinlegt símtal í sambandi við salinn sem við vorum búin að panta fyrir brúðkaupið..svona símtal sem þú vilt ekki fá þegar það er mánuður í brúðkaup…því að salurinn var tvíbókaður af einhverri fáránlegri ástæðu og ég var nú vægast sagt ekki sátt við heyra þetta. Ætla nú ekkert að fara að rekja þetta frekar hér, en málunum hefur allavega verið reddað og komin ný staðsetning á veisluna…spurning um að maður dreifi bara fjársjóðskortum í kirkjunni og sendi gestina í ratleik til að finna salinn:) En allavega, Inga og Berglind byrjuðu á því að fara með mig í góða hirðinn, röltum þar einn hring, en þær fundu ekki það sem þær voru að leita að þar (ætluðu að finna á mig föt, helst rósóttan kjól, en það fengust engin föt þar). Þannig að áfram héldum við og næsti viðkomustaður var Hagkaup í Skeifunni. Þar var ég dressuð upp á götumarkaðinum, í bleikt dress frá toppi til táar, af því að það er svo mikið ég hehe. Við fórum svo yfir á Café Milano og fengum okkur smá snarl…þaðan var haldið í kjólamátun sem ég var búin að panta áður, en þær komu bara með og ég held að saumakonan hafi bara skemmt sér ágætlega yfir þessari uppákomu. Eftir það var haldið í menningarreisu um miðborgina, fórum m.a. á listasafn Íslands, röltum í búðir og heimsóttum landnámsskálann, virkilega skemmtilegt. Við tókum svo smá rúnt með viðkomu í Hallgrímskirkju, maður verður nú að æfa sig í að ganga inn kirkjugólfið:) Þaðan fórum við svo og sóttum Ásu og þaðan var farið út að borða, fórum á austur indíafélagið og ég hef bara sjaldan fengið betri mat…slurp…ekki spurning að ég á eftir að fara aftur þangað. Við fórum svo og fengum okkur ís í eftirmat og skelltum okkur svo í keilu. Inga Sigga reyndist vera með bestu tæknina og við hinar áttum ekki séns í hana:) Dagurinn var alveg frábær og takk æðislega fyrir mig stelpur:)

Ég vaknaði við ánægjulegar fréttir í morgun, dreng…

Ég vaknaði við ánægjulegar fréttir í morgun, drengurinn hennar Stínu vinkonu er kominn í heiminn, 15 merkur og 52 cm:) Innilega til hamingju, Stína, Þröstur og Ísak Leví stóri bróðir. Ég get ekki beðið eftir að kíkja á prinsinn:)

Við fjölskyldan eyddum síðustu viku í sumarbústað í Munaðarnesi. Vikan var alveg frábær, sólin hefði reyndar alveg mátt láta sjá sig meira, en það var ekkert sem gerði til. Frábær aðstaða þarna í Munaðarnesi. Við gerðum margt skemmtilegt þessa viku, skoðuðum fossinn Glanna í Norðurá, fórum upp í Lundarreykjadal, skoðuðum Deildartunguhver og kíktum í Reykholt. Fórum í sund í Borgarnesi og Varmalandi og nýttum heita pottinn vel. Við fengum líka marga góða gesti, mamma og pabbi komu til okkar, Inga Sigga og fjölskylda, Berglind og svo voru Jói bróðir og fjölskylda í bústað í Svignaskarði á sama tíma þannig að við hittum þau líka nokkrum sinnum.
Við vorum svo komin frekar snemma heim á föstudaginn, kíktum aðeins í tívolíið. Við Katla fórum eina ferð í mini-rússíbana, sem var alveg nóg fyrir mitt litla hjarta en Kalta ofurhugi hefði glöð farið í öll tækin á svæðinu ef hún hefði mátt það:) Við fórum svo í sund í gær og Sóley bauð okkur í grill, mjög ljúft. Ætlum svo að kíkja á Árbæjarsafnið í dag, nýta helgina sem best þar sem Sæbi byrjar að vinna aftur á morgun. Katla Dögg er svo að fara í sumarbúðir í borg í 2 vikur, mikil tilhlökkun í gangi hjá henni:)