Jæja, í dag er akkúrat vika þangað til við Sæbi fö…

Jæja, í dag er akkúrat vika þangað til við Sæbi förum til Köben:) Smá spenningur farinn að gera vart við sig. Ég finn samt líka fyrir smá stressi, aðallega útaf því að fara í flug með bumbubúann innanborðs. En það á nú alveg að vera í lagi, samkvæmt öllum heimildum sem ég hef verið að skoða og talaði líka við ljósuna mína og lækninn. En þetta verður örugglega gaman hjá okkur. Erum nú lítið farin að plana hvað við ætlum að gera. Það eina sem við erum búin að ákveða er að við ætlum að fara í dýragarðinn, já og svo auðvitað versla:) Katla Dögg er líka orðin spennt fyrir sínu ferðalagi, en hún fær að vera hjá ömmu og afa á Sigló á meðan.
Annars er bara allt gott að frétta af okkur, nóg að gera hjá öllum. Katla er að klára sundnámskeiðið hjá Ægi og er orðin alveg ótrúlega dugleg að synda. Svo er bara sumarið framundan:)

Ég las grein í fréttablaðinu í gær um sænskar gall…

Ég las grein í fréttablaðinu í gær um sænskar gallabuxur,sem eru víst það nýjasta núna. Það sem er sérstakt við þær er að til þess að ná fram flottu „lúkki“ á þær (þær laga sig nefnilega að líkamanum) er æskilegt að eigandinn gangi í þeim í 6-8 mánuði án þess að þvo þær!
Sá sem veitti þessar upplýsingar sagði að þetta væri í fínu lagi ef fólk viðraði þær bara reglulega:) Buxurnar kosta um 11.000 kr. en það er nú eflaust fljótt að borga sig ef maður tekur með í reikninginn allt þvottaefnið sem sparast, aðrar buxur slitna ekki á meðan og svo losnar maður við það í 6-8 mánuði að velta því fyrir sér á morgnana í hvaða buxur eigi nú að fara, það er spurning hvort að maður eigi ekki bara að skella sér á eintak:)