Sumarfrí!!!! Já, ég er komin í ljúft og langþráð s…

Sumarfrí!!!! Já, ég er komin í ljúft og langþráð sumarfrí í 4 vikur!!! Það var mjög skrítið að þurfa ekki að fara í vinnuna í morgun og vera bara að dúllast og hafa það gott með fjölskyldunni í dag, ætla að njóta þess í botn að vera í fríi:) Þetta er mjög lauslega planað hjá okkur, en við förum allavega í sumarbústað í viku og förum örugglega eitthvað á Sigló og svo verður restin bara að koma í ljós. Það er reyndar mjög gott að vera í fríi heima hjá sér, nóg að gera reyndar og spurning hvort að maður kemur öllu í verk sem ég er búin að vera að bæta á „ég geri þetta í sumarfríinu“ listann að undanförnu, en það breytir þá engu. Tengdó var hérna áðan og setti upp nýja gufugleypinn (aka vifta fyrir þá sem ekki kannast við þetta fyrirbæri sem gufugleypi), þannig að nú er eldhúsið okkar að verða ansi fínt:) (Takk fyrir ráðið Stína mín ef þú lest þetta, þetta virkaði svona líka vel:) ) Ég var að lesa stórskemmtilegt blogg áðan sem Stína vinkona benti mér á, bætti því á blogglinkalistann svo að ég muni nú örugglega eftir að kíkja á það aftur.

Setti líka link á síðuna hjá Galdrasafninu á Hólmavík. Hvet alla sem ferðast um strandir til þess að heimsækja þetta magnaða safn. En jæja, ég ætla að fara og halda áfram að vera í fríi:)

Auglýsingar

Ég ákvað að hafa shrek þema á síðunni í smá tíma…..

Ég ákvað að hafa shrek þema á síðunni í smá tíma….aðeins að breyta til, var að skipta um bakgrunnsmynd svona í stíl við músíkina:) Verst að ég fæ bakgrunnsmyndina aldrei til að passa alveg fullkomlega..kemur alltaf smá svona hvítt bil vinstra megin…einhver stilling sem ég á eftir að finna útúr. En já, helgin hjá okkur var alveg þrælfín, við fórum í garðveisluna hjá leikskólanum hennar Kötlu á laugardaginn, það var mjög gaman. Var reyndar ekkert alltof hlýtt en við létum það ekki á okkur fá. Katla skemmti sér mjög vel við að leika við vini sína og hlusta á Álfhildi álfastelpu spila á harmonikuna sína.

Svo fengu allir grillaðar pylsur. Svo á sunnudaginn þá fórum við niður í bæ, en þar var hátíð hafsins í fullum gangi. Við ætluðum að fara í skemmtisiglingu með Sæbjörginni en vorum aðeins of sein og nenntum svo ekki að bíða eftir næstu ferð. Ég sá svo pínulítið eftir því að hafa ekki farið, af því að Sæbjörgin er gamla Akraborgin og það hefði örugglega verið gaman að koma í hana aftur og rifja upp gamlar minningar, en það voru ófáar ferðirnar sem ég fór með Akraborginni hérna í den…ég hefði ekkert á móti því að hún gengi ennþá…þetta var svo ljúft eitthvað…oft fór ég niður og lagði mig og steinsofnaði þá og svaf þangað til ég var komin á leiðarenda. En ef veðrið var gott var líka frábært að sitja uppi eða úti á þilfari og njóta ferðalagsins…hehe…sé þetta kannski með pínu rósrauðum gleraugum..smá nostalgía í gangi:) En ég tek þetta framyfir að keyra Hvalfjarðargöngin hvenær sem er:) En áfram með helgina….við semsagt skoðuðum furðufiska á miðbakkanum og sáum Línu langsokk skemmta..Kötlu til mikillar ánægju. Svo hittum við Bjarna, Erlu, Orra og Sóley og röltum með þeim og Katla og Orri (og Bjarni hehe) fóru í leiktæki. Við komum við í Kolaportinu og töltum svo út á Austurvöll…settumst þar aðeins niður og krakkarnir léku sér. Það var alveg krökkt af fólki þarna enda gott veður og fínt að sitja þarna í sólinni. Við enduðum svo daginn á pizza 67, fínn endir á góðum degi:)

Ahh…helgin nálgast:) Stefni á að hafa það rólegt…

Ahh…helgin nálgast:) Stefni á að hafa það rólegt og gott um helgina, vona bara að veðrið haldist svona gott þá er aldrei að vita nema maður geri eitthvað sniðugt eins og skella sér í sund eða göngutúr. Svo er garðveisla hjá leikskólanum hennar Kötlu á morgun, við erum að spá í að fara þangað ef það verður gott veður. Það virðist vera eitthvað vesen með lagið sem ég setti hérna inn á síðuna, það virkar alltaf heima, en ef ég fer inn á síðuna í vinnunni (sem ég geri afarsjaldan, alveg satt:)), þá virkar það ekki:( Skil þetta ekki alveg. Þannig að endilega ef einhver rekst hérna inn, þá væri frábært ef þú myndir setja það í commentin hvort að þú heyrir músíkina, annars þarf ég að skoða þetta eitthvað betur:)