Já, ég er orðin 29:) Eins gott að njóta síðasta ársins sem tuttuguogeitthvað:) En annars kvíði ég því nú ekkert að verða þrítug…held að ég batni bara með aldrinum..eins og ostur:) Eða verður maður ekki að vona það allavega. Dagurinn var mjög góður, fékk margar góðar gjafir og kveðjur, takk fyrir það:) Mér fannst alveg frábært að frá sms frá Ásu Maríu sem er í útskriftarferð í Thailandi…númtímatækni er alveg mögnuð…og nú hljóma ég eins og ég sé 79 en ekki 29:) Við Sæbi fórum út að borða, skelltum okkur á Ruby, maturinn þar klikkar ekki. Fékk mér m.a. ostakökuna góðu sem mig hefur dreymt lengi….þeir bjóða nefnilega upp á sykurlitla ostaköku….verð þó að viðurkenna að hún var ekki alveg jafn góð og í minningunni….hehe…en fín samt. Við fórum svo í bíó á Pirates of the Caribbean: At worlds end. Hún var ágæt…alveg þess virði að fara á þó ekki sé nema til þess að horfa á Johnny Depp:) Annars fannst mér hún aðeins of löng…eins og það væri verið að troða of miklu efni í eina mynd og frekar hæggeng á köflum. Fær 2 og hálfa stjörnu hjá mér. Svo erum við bara búin að taka því frekar rólega, sóttum stelpurnar um hádegi í gær….Hekla gisti hjá Sóley og Katla hjá Bjarna og Erlu. Við stoppuðum svo aðeins hjá Bjarna og Erlu, sátum úti í sólinni enda frábært veður í gær. Sæbi er svo að vinna í dag, en ég er að hugsa um að skreppa með stelpurnar í grasagarðinn og kíkja á Café Flóru.
Cortes, Sigló og Málfríður….
maí 21, 2007 kl. 11:01 pm (Almennt)
Ég sit hér og hlusta á Cortes, fínasti diskur. Einhverstaðar á ég áritaða mynd af kappanum, frá Nonna og Manna tímabilinu. Ég ætti eiginlega að grafa hana upp og athuga hvort að ég geti ekki selt hana fyrir stórfé á Ebay:) Annars er allt með kyrrum kjörum hér, skvísurnar löngu sofnaðar og Sæbi í Gautaborg. Fór með 8. flokkinn sinn á Göteborgs basketball festival. Kemur heim á miðvikudaginn. Ég skrapp með stelpurnar á Sigló á miðvikudaginn. Það var mjög notalegt eins og alltaf, Katla krækti sér reyndar í kvef þannig að við vorum ekki mjög mikið úti við. Við lögðum svo í hann heim í gærmorgun, með smá viðkomu á Ólafsfirði. Mamma og pabbi komu með okkur þangað. Virkilega gaman að kíkja þangað. Heimsóttum Jóa og fjölskyldu í nýja húsið og svo líka Rúnar og Önnu. Við vorum svo komnar hingað heim um níuleytið í gærkvöldi. Vorum orðnar frekar þreyttar. Ég var viss um að Hekla myndi nú sofna fljótlega eftir að við lögðum af stað og sofa svolítið á leiðinni, en nei, hún vakti alla leiðina. Hún sofnaði líka áður en hún lagðist á koddann í gærkvöldi:) Ég startaði sölusíðu á barnalandi um daginn, svo að ég auglýsi nú aðeins:) Hefur farið ágætlega af stað. Vöruúrvalið er nú ekki mjög fjölbreytt svona til að byrja með, en á kannski eftir að aukast ef vel gengur:)
